פרק קכג
{א} שִׁיר הַֽמַּעֲלוֹת אֵלֶיךָ נָשָׂאתִי אֶת עֵינַי הַיֹּשְׁבִי בַּשָּׁמָֽיִם: {ב} הִנֵּה כְעֵינֵי עֲבָדִים אֶל יַד אֲֽדוֹנֵיהֶם כְּעֵינֵי שִׁפְחָה אֶל יַד גְּבִרְתָּהּ כֵּן עֵינֵינוּ אֶל יְהוָה אֱלֹהֵינוּ עַד שֶׁיְּחָנֵּֽנוּ: {ג} חָנֵּנוּ יְהוָה חָנֵּנוּ כִּֽי רַב שָׂבַעְנוּ בֽוּז: {ד} רַבַּת שָֽׂבְעָה לָּהּ נַפְשֵׁנוּ הַלַּעַג הַשַּׁאֲנַנִּים הַבּוּז לִגְאֵיוֹנִֽים:
